الشاعرة
التصنيف: الشعر الوطني
بـين الـخليج وبـين صيدا من سنين
بـامر الـمؤسس تـنقل الـنفط خامي
مـــا كــنـك الا خــافـقٍ بـالـشـرايين
أحـيـيت بـالـبترول مــدن الـعجامي
يـالـلي بـتـصخيرك قـلـبت الـموازين
نــوخــت روسٍ يـابـسـه يـالـقـطامي
لــولاك لا مـصـنع ولا مـركـب يـزين
ولا انـتـسب لـلغرب مـجدٍ عـصامي
يــا شـاهـدن مــروا عـلـيك الـمـلايين
منهم أبوي وعزوتي والعمامي
روحـــه وجــيـه رافــقـوك الـعـزيزين
أهــل الـشـمال الـطـيبين الـكـرامي
قـطينهم بـيت الـشعر والـقرى طـين
والا صـنادق مـن عـشيش وخيامي
ومن عقب ما البترول عز السلاطين
قـامـت مــدن ومـخـططه بـانتظامي
والـعـلـم والـصـحـة دروب الـمـيـامين
وازدهــرت الـديـرة بـعـزم الـهـمامي
الــكـنـز الاســـود وهــبـة لـلـبـلادين
والـمـمـلـكـة مــتــصـدره بــالامـامـي
عـسى الامان ونصرة الحق والدين
تـبـقـى وتـرافـقـها دروب الـسـلامي!!