الشاعرة
التصنيف: الشعر الوجداني
مغتني يالخل عن قلب شفوق
ومكتفي بالبعد عن روضة غلاي
ليت تدري بالحنايا والخفوق
والعيون اللي تهامل من عناي
جعل مايفقدك غالي ولا يذوق
لحظة فراقك وانا هذا بلاي
قلبي اللي ممتلي جرح وحروق
امتعود من صغر سنه شقاي
والله اني وانت خابرني صدوق
راضي بحالي وتقصيرك معاي
كيف ما اسامح وحبك بالعروق
يدفعه نبضي ويسكن في حشاي
كانك بوصلي مثل حال السروق
وانت لي قمة رضا ربي ورجاي
أحتمل في وضعنا بشرى البروق
والمطر لابد ما يروي ظماي
رح عسى ربي يسهل مايعوق
دربك التيسير يا بدري وهناي .