الشاعرة
التصنيف: قرة عيني
يــومــن ربــــي كــاتـبـن لــــي ســعــادهً
وهـــب لـــي مـحـمـد طـبـيـب لـجـروحي
يــومـه رضــيـع امـزهـمـلن فــي مـهـاده
فــــي ضـمـتـه كـــل الـعـبـاير تــزوحـي
هـــو مـهـجـتي رجـــال بـيـتـي وعـمـاده
مــــن صــغـر ســنـه قـالـهـا بـالـمـزوحي
ضــاري عـلـى دروب الـصـبر والـجلاده
مــاعـاش فـــي ظـــل الأبـــو والـمـدوحي
عــضــيـد قــلــبـي مــرتــكـاه وشــــداده
رابـــي عــلـى طــيـب ونـقـاوة سـمـوحي
يالله تـــنـــجّــح غـــايــتــه بــالــشــهـاده
الــلــي بــهـا حــلـم الـغـنـاة وطـمـوحـي
الله يـــجــيــرك مــــــن دروب الــنــكــاده
وجـعـل الـسـعد فـالك ووجـهك صـبوحي
مــــا يــنـفـع الــرجــال غــيـر اعـتـمـاده
عــلــى اذراعــــه والــرفـيـق الـنـصـوحي
وجـــنّــب رفــيــقـن لـلـمـصـالـح مــــراده
يـــدمــر أخـــلاقــك طــريـقـه جــنـوحـي
الــسـيـف لا مــنـه ظــهـر مـــن غــمـاده
لا بـد مـا يـلـمـع و حـســه ضـبـوحـي
وســلاحــك الــلــي مــــا يــثــور زنـــاده
لا صــيــد تـرجـيـبـه ولا مــــن ربــوحـي
والــطـيـر لامــنــه شــلــع فـــي هـــداده
مــلــزوم يــقـنـص بـالـغـنـيمه لــحـوحـي
لا ارضــيــت ربــــك بـالـذكـر والـعـبـاده
يــطــيـب حظـــك والـبـشـايـر تــلـوحـي!!