الشاعرة
التصنيف: قرة عيني
حـي الـخميس الـلي بقرب الحبيبه
هي موسم أفراحي وحفلي وعيدي
في شوفها تشفى الجروح العطيبه
وتـرتاح روحـي مـن عـناها وتهيدي
هــي راحــة الـقلب و دواه وطـبيبه
هــي دنـيتي والـعافيه فـي وريـدي
فــي حـبـها مــا بــه مـجالن لـريبه
مــي الـقـراح الـلـي زلالــه يـزيـدي
بـالحيل ذقـنا مـن الـبشر كل خيبه
وامــي حـنـانه مــا يــدور شـهيدي
عـسـاك يــا رب بـمـرضها حـسـيبه
تـكـتب لـها اجـر الـمواجع رصـيدي
وتــخـفـف آلام بـجـسـدهـا وتـثـيـبه
وتــزيـح هـمـه وتـرزقـه مــا تـريـدي
اغـلـيت شـمـر مــن غـلا هـالنجيبه
هي موسم أفراحي وحفلي وعيدي!!
يـاليت بيدي واطرح الضيق عنك
واعـالـج اوجـاعـك وسـقمٍ يـحوفك
يـاللي جـمال الـكون مـاخوذ منك
شمسي جبينك والندا في كفوفك!!
يمّه
يمه محتاجه لحنانك
ولدفا حضنك وعطفك
مل قلبي من عذابه
ومن قسا دنياه بعدك
افتحي ايدينك وضمي
جرح دامي بقلب قلبك
عاتبيني انصحيني
والله محتاااااجه لقربك
جعل ربي مايحرمني
من لقاك وطيب ذكرك
جعل يومي قبل يومك
ياحلو تقبيل رجلك
______
يا منبع الطيبه ويالقلب الكبير
يا موطن التحنان يا ريف الشعور
أمي ومن مثلك على الدنيا يسير
مابه أحد مثلك على مر العصور
أنتي العطا وانتي غياث المستجير
وأنتي ملاذ الروح من ضيق الصدور
أمي يا أغلى من عيالي ومالي
يا أغلى من عيوني وشوفي والاهداب
يفداك عمري يا بعد كل غالي
تفداك وايل والطنايا والاجناب