الشاعرة
من قصيدتنا 000انتهى البيت الاخير
ومن حكايتنا 000انتهى الفصل الاخير
ومن علاقتنا 00انتهى اليوم الاخير
***
انتهينا000واحنا تونا مابدينا
مالنا حيله بقدرنا 000000ومو بيدينا!!
ليــــــــــــــه 000مدري
منهو فينا اللي مقصر
منهو اللي قلبه نار
وصاحبه ثلج يتكسر
منهو اللي قلبه ذايب من هوانا
وصاحبه قلبه محجر
منهو اللي يوعد الثاني
وبدوره صاحبه دوم يتاخر
تدري انت من تكون ؟؟
انت اجمل لوحه شافت هالعيون
انت اعذب لحن غنيته00واحلى لون
انت ذاك اللي اذا اقبل يخالطني الجنون
وانت نفسك لما تبعد انا احتار بظنون
.........وشوقي يفضحها عيوني
.........ودمعي يجرحها جفوني
انت ليلي000 ونهاري
انت شمسي 0000وانت بدري
انت غيثي وانهماري
انت جمري واستعاري
انت جنه 000انت ناري
انت روعة انبهاري
انت انت آه يا انت
آه ياغيمه اهجرت ارضي وسماي
مابي غيثك 00حوشه عني00مابي غيثك 0تكفى خليني بظماي
مابي غيثك 00يكفي ظلك عن هجير الشوق يروي لي ظماي
لا تغيب 00لا تقول انك تعبت وانت اول من كتب قصة شقاي
من خطا برجله على دربي وقال انتي مناي؟
منهو اللي كنت احبه 00تدري انت اكبر خطاي؟؟
لا تقول انتي غدرتي 00 لا يا حبي انت اول من بدا .......
حتى اسالها سكاكينك 00 بتنضح في دماي
ليه تشعلها000بساتيــــــــــــــــــــــني
وتحرق اوراق العمر واللي باقي 000من سنيني ؟
وتقفي وتسحبها ايدك من يديني
وتترك الحسره في قلبي
والدموع الغارقه في وسط عيني
تكفى ارحل من سكات
ونا بافهم من سكات
ماله داعي نحتفل بالحب حنا مافرحنا في حياته 000
كيف تبغى ندعي الفرحه عقب مالحب مات؟؟
تكفى ارحل من سكات
ونا بفهم من سكات
كم 000وكم00؟
كم رسمت بضحكتك بسمة شفاي
وكم بعثت الفرح فيني يا عناي
وكم تشوقتك ولع00وانت معاي
ليه ؟؟
ليه تتعمد جفاي
انا ادري انت تتعمد عناك 00وهو عناي
صرت ترخص في غلاي
وصرت تهرب من هواي
وانت حزنك اكبر من الحزن كله00 يا شقاي
قلبك اول هالضحايا وهو ينزف ارتميت وصرت انزفها دماي
لا تجاوب 000لا ترد ماعاد ينفع انتهينا
ومن قصيدتنا 000انتهى البيت الاخير
ومن حكايتنا 00انتهى الفصل الاخير
ومن علاقتنا 000انتهى الشوق الاخير .
--------------
10- 2004م