الشاعرة
توه وقف صوت الألم
توه خمد حر الجروح
دنياي دونك مظلمه
أكبر خطا واقوى جنوح
مظلومة وانا المجرمه
وابني لأحزاني صروح
حزني على فراقك رسم
بعيوني أجملها لغات
وعن شوقي عبر للغريب
فاضحني فيهم من سكات
بعيونهم شفت أسئلة
تنشد عن حكاية شتات
عن دمع حاير عن وله
عن غالي بسجدة صلاة
با شينها الدنيا بلاااااك
تسقيني من علقم جفاك
وانا أتجرع وانتظر
كذبة قدر
تمسح دموعي ترجعك
طيف وصدى
أمسي على لوعة قهر
واحضن خيالك واستعر
واصبح واحصلها هنا
بين الضلوع معلقة
جمرة غلا
وحب تيتم بأوله
يا صبرها هذي القلوب
عن حبها لا ما تتوب
تبقى على أنفاس الجمر
تحسب مواقيت العمر
ولا من شاءت حكمته
ردتها في لمح البصر
طفل انكسر
لا .. اندمر
من والدينه اندمر
يمكن
يسامح ينجبر !!